قالب شعر: چهار پاره
کمر لال
******
تا کَفشَلِش نَو وَیبُو
مِن مالِمُون چَو وَیبُو
خَنده کِه سَر لَوش اِیرَه
دِل مِن دِلیم اَو وَیبُو
..
زُلفَلَ بِهس سَر شُونَه
سُرخَو زَدِه دَم گُونَه
دَهسَلَ کِرد زِر چُونَه
بَی مُو اِیکِنه رِک بُونَه
..
گِر زُلفَلِش بُر خَردِه
خَرسَل تیَش تُر خَردِه
مِرزِنگَه تا زُر دا دَه
بِرنو وَ مِن جُر خَردِه
..
سُهتُم زِ بَس تَو دارُم
مِن سینَه بَرفَو دارِه
تا سَر نَهام سَر زُونیش
زِر چادِرِش خَو دارِه
..
خَط وَو تییَه کالِش بِهس
بُوس وَو گِلُپ چالِش کُن
لَووَل عَسَل مِن کُورَه ی
سَیل وَو کَمَر لالِش کُن
..
،حاجی اکبری،