قالب شعر: غزل

تَپُو
،،،
تَپُو گِرُهتُم مِنِ خَو میر انگَنا چُلنا سَرُم
وَم گُه وَری اَفتَو زَدِه هَی ایکَشی جُومَی بَرُم
،،
گُهتُم وِلُم کُن پیرَمِرد مَه مالِ بَوتَه خَردِمِه
دَس پارچَه وابیدُم بِرَم دیدم چهار چرخ پنچَرُم
،،
لُک بُردَه بیدُم صُبِ زِی خَو غَم گِرُهتُم نَظَرُم
چِی کَوگِ مازَی چاسَخار اُومَه نَوَر هالَه سَرُم
،،
دَس کِه دَراوِه شالِشَه بِهسِش وَ دورِ گَردنُم
گُه وَم وَری بِی اَشتَفی اِیخُوم تُو وابَی هَمسَرُم
،،
هَر وَخت بِرَم مِن رَختِخَو عَکسِت ایایه دَم تِیَیم
ویرُم یَه جایَه تَی خِتِه اَما دُو جایَه کَمَرُم
،،
سرد وُ شیرینی وُ دو رَنگ چِی برف وُ دوشَو دلبرم
زَردُم و تَهلُم عاشِقَم چِی خارِ زُول وُ کَنگَرُم
،،
عَگالَه وِر دا مِن خِلَل گِلاکَه غِر دا مِن سرُم
گُو یا بَله باید بِدی یا شِر بِدی پیراهَنُم
،،
میر اَنگَنا وِل کُن نَبی یا ایوَرُم یا اُو وَرُم
گُهتُم مُو نُومُم اشرَفِه مِنِ غرقِ خَو قیرَه ایزَدُم
،،
یَه دَفَه بَو سُک وَم نَها بَهلِشتَه وِر دا زِر سَرُم
گُه نَی چِتِه اشرف کَلُو دُنیانَه کَندِی مِن سَرُم
،،
گُهتُم خدا شُکرِت هَنِی بازِه کتاب وُ دَفترُم
اما چنین غُولی نَیا هرگز وَ جای همسرُم