قالب شعر: ترجیع بند

گل رامهرمزی
♡♡♡♡♡♡
سایه بِهسِه سَرِ چشملت بُرگَلِت
گَرمه هُونَی دلم و تَش و تُنگَلِت
دُونُم وَم عاجِزی وَ هَوَی بُنگَلِت
وَت ایا زِرِ بُتِت،یَقه یِ فانتزی
وَ دِزی ایخِمِت ،گُل رامهرمزی
..
زَردِه اِی بَرگَلُم سِهیَه اُو بُرگَلِت
تارِه اِی چشمَلُم تیزِه مِرزِنگَلِت
زُلفه تَو دادیی دورِ پرسنگلت
بُرده اُی دِلمَه ،لویَله کاغذی
وَ دِزی ایخِمِت ،گُل رامهرمزی
..
زُلفَلِ مَخمَلِت رِهتِه پَس گَردَنِت
فِکر دوری بِکن سَخته دّل کَندَنِت
باوَرُم نیکِنه وَ قَسَم خَردَنِت
وَسرِت تو نکن، کُهنه وِزوِزی
وَ دِزِی ایخمت ،گُلِ رامهرمزی
..
شَو وَخَو دیدمِه خهسیه دَهسَلِت
رِهتِه سَر شُونَلُم تُپ تُپ خَرسَلِت
سَرِمَه بُردِه دَه گَهپَل وُ بَحثَلِت
بَهسِیَی چارقده ،سَرِ مینا کِزِی
وَ دِزِی ایخمت، گُلِ رامهرمزی
..
سیرمَه کمتر بکُن وَ مِنِ چشمَلِت
سُهتِمِه پُهتِمِه نازَل وُ نَشمَلِت
خَشمَه عِشوَه نیا خنده وخَشمَلِت
وَبَرِت کِردیی،جُومه پوس خزی
وَ دِزِی ایخمت، گُلِ رامهرمزی
..