شور چویلی

شور چویلی
<×>
پَسینی وَ شُورِ چَویلی وَر اُومَم
هوا صاف و آبی زمین سَوزِ مَخمل
~
نِشهسُم زِرِ سایه یِ شِهنِ پیری
کِه دل داده بِی سِی بَنِ دَم کِرُفتَل
~
نسیم دَهس وَ زلفِ چَویل اِیوَراوِه
گَوَن بَند ایبِهس وَ بالایِ بُرگَل
~
چِپُون پیشَه ایزه وُ ناقوس زردی
وَنا کِرده بِی تیشترِ تال وُ کُربَل
~
جوابِ سِروو بادَه ایداد بَی کِل
صِیَی گاکَه کَوگ مِن پُوزِ پَس کَل
~
سَرِ خاگ بِی گایَکی سَر لَغی دار
فَرَح یَل و رَو بِی مثِ ایلِ تُرکَل
~
زِرِ تاگِ پیپَو وَتا بِی تِکِ گُل
وَ شَرم سرخ بِی گُل نگین سَرشَه کِه خَل
~
خدایا بهشتی که گُهتی یِنِه پَه دَ سِی چِه
نهادیش مِن اِی کوه نَنادیش مِن اُو چَل
~
همیشه یُو سِی خُم سوالِه
کِه جُومَی
کَلا سِی چِه سِهیَه اما سُرخِه کَفشَل
~
تیَی شُوک وازِه چرا نیبَرش خَو
سَرِ گینَه بیرِه ولی نیکِنِش پَل
~
مِن اِی فِکر بیدُم ار آزَب بمونُم
هَمَی مُشکلاتَه چطوری کِنُم حَل
~
اَلُهیِی وَ دُمبالِ جُفتش وَ خُم گُه
چرا مَحطَلِی پَه وَری خُل کُه مِن تَل
~
اثر کِه سَرُم حرفِ باهِندَه ی کُوه
هَمَوچُو سَرِ اَسپَه تَوو دام سِی مالِ وِزگَل