قالمیشام یالقوز عزیزان

قالمیشام یالقوز عزیزان
گلشن اولدو برگ ریزان

سولدو گللر یاندی بلبل
سوز بو یردن چیخمیش الان

اوخلویوب سو مشکین اعدا
ایلیوب سقانی گریان

یرده گریان گویده گریان
یاندی مولا قالدی حیران

اوخ ویروپ دشمن گوزون نن
دوشدو آتدان ماه رخشان

اشقیا دون اولدو والله
سو یولوندا چوخدو نالان

هم اوشاخلار هم ابالفضل
ایشمه ریک سو اسمه طوفان

شرمگین اولدو ابالفضل
قیزلار اولموشدو پریشان

اصغریم عطشان قالیپدی
کیمدی گریان کیمدی نالان

مادر دلخسته گریان
اصغر شش ماهه نالان

سو ویرز سیز اوخ ویریپلار
پارچالاندی نذر جانان

یوخ اوره ک لرده مروت
کاش ایده ی دین شرم پیکان

یاندی مولا جان زینب
وای پوزولدو باغ و بستان

گول ربابین حالی مضطر
اصغری اولموشدو قوربان

گون شکست اولدو جفادن
باش کسنده دالدان عدوان

گون قیزاردی باتدی اولدوز
آی اولوپ ایتگین بوتایدان

گرچه مولا راضی اولموش
قان جوشار بوردا بولاخدان

بو قضاده بو قدرده
زینب اوخشوردو عزیزان

اکبر و قاسم ابالفضل
اصغریم اولدو حسین جان

پرچم الده سوز اوره ک ده
دشمنی ییخدی اسیران

ایتدی رسوا اول دغانی
تکیه گاهیم اولدو یزدان

نیزه ده قران اوخوردو
سوره ی نوریله فرقان

ای حسین جان ای حسین جان
تا سچیلسین اهل ایمان

بی بصیرت کوفه اهلی
جنگه چکدی شاه دوران

بو عزیز مصطفادور
قانه غلطان یرده عریان

آت چاپیللار نعشی اوسته
اول ملک لر قالدی حیران

روبرو اولموشدو زینب
زخم ایدیردی جانین عدوان

دشمنیم تاریک اولوپدو
بیز گوزل زیبا پسندان

کربلاده جان یاراتدیخ
عالمی ایتدیک فروزان

اول یزید دون کافر
سایمادی شعره غزلخوان

آسمانه عرشه چاتدیخ
شوم اولوپدور روزی سی قان

دردلره اولدو گرفتار
یوخ اونا یول بو افق دان

حق بهشته ساری گیتدی
اول جهنم لرده ویران

وارث کرب وبلا بیز
ملک ایران ملک شیران

باطلی نابود ایدک بیز
دشمنی ایتدیک پریشان

لبنان الان کربلادی
شمر دون صهیون ویران

آزاداولسون بو فلسطین
خوش یاشاراولسون بو یاران

مکتبین زنده حسین جان
قالدی پاینده بو پیمان

تا امام مهدی عج گلسین
سازلانار حتما بو بستان

آلاخ بیز جدی ین قانی
ایشیخ سالسین یولا ایمان

اولاخ آمر اولاخ ناهی
نه ویللاهی نه بی بنیان

اولاخ قران پناهینده
نه چون آل ابو سفیان

حبیب بن مظاهر تک
امامه اولگینان قوربان

ایدیپ دور اقتدا حره
مسلمان اولدو بن سلمان

قرائت ایت گی نن قران
حکومت ارث مظلومان

یازیلمیش زارعی آدین
گل اول سن مهدیه مهمان

جان حسین جان
جان حسین جان

#زینالعابدین_زارعی_انگورانی