انگوران وصفینده من ویردیم شعار

انگوران وصفینده من ویردیم شعار
جنه الاعلایه بنزر بو دیار

چوخ باخیشلار بو آخان چای تک گیدور
گول سِتاندیر من دیمم هیچ یوخدو خار

داق داشیندا گول چیچک سوولور سلام
بالدی قایماخ نوش جان ایتسین نگار

یایلاقین نان قار سووو درمان گلور
آهولار رقصان گیدور گوزلر خمار

بو آخان چایلار دوزلدیپ دیر حیات
زمزمه اوخشات گینان سن بو سولار

کت لریم گوز قاشلارا سورمه چکیپ
ناز ایدرکن بو چوبان نان اذن آلار

ایرانین خوش نقشه سینده بو تیکه
ملتین روزی سینه پای یازدی لار

بو قیزیل کان اولموش عاشق تورپاقی
خوش بورونموش دامن پروردگار

قله قاف اهلینه یازمیش کلام
مدح مولادن آلوپدور اعتبار

همتی دور صاحب فضل و بیان
خوشبو سوزلر سیزلییر چون چشمه سار

زارعی تعریفه چکدین انگوران
یوزدو تعریفه بیرین گتدین قیزار

قبریمین دورینده مینلر گول بیتر
عشقیلن یازدیم گوزلدیر بو دیار

#زینالعابدین_زارعی_انگورانی