دنیا بیز چوخ داددیخ سنین دوزویون
دنیا بیز چوخ داددیخ سنین دوزویون
چوبان اولدوخ یایدیخ سنین قوزویون
آیاخلاشدیخ قاشدیخ چایدا چیمنده
سوت بایداسی قاتیخ قایماخ ییینده
آشدی داشدی باشدان سنین چوره گین
ایچ بولاخدان سرین نه سین اوره گین
آتا آنا باش اوستونده چابالیر
خوشلوخ لارا دویون دی یَن دارالیر
یی ییپ ایشدیک هم دولت دی هم کاسیپ
ایستی سویوخ نعمت دی باشدان آشیپ
بیر اوووچ سو آرتیخ ایچمز آقالار
داقا داشا دوشسون سیزین قادالار
آخشام اولد روزگار اولدو قره
قالمادی بیر کس که گنه گل دره
دامیزدیردین هردن هردن چتین لیک
چوره ک یی ین تندیره سالسین چمیک
بیلین دیردین چوخ شیرین لیک آجیسین
اوزون باخان گوزلر توپراخ حاجی سین
دولت دی نین سرمایه سی بیر کفن
کاسیپ لاردان قالمادیلار بی وطن
گونوزلرین گیجه لرین حدی وار
خوشلوخ لارین ناخوشلوقو دردی وار
آیریلیقین داواسینی اوتورون
آیری دردین داواسینی گوتورون
جاهل انسان علم ینن درمان اولار
مغرور آدام ییخیلماخ نان اویانار
عاشیق انسان شکره صبره بویانار
هر یرده دی معشوقونان دولانار
شهرآدامی کندی گورر سویونر
کتدی گوررن بازارلیقا بورونر
باشا چاتماز داق داش داکی یوللارین
آرزولارین اوره ک ده کی باغلارین
هاممی لیقان بیلدیک دنیاصدف دیر
ایمان گتیر آخرتین هدف دیر
بو دونیانین میراثی تک ادب دی
آداملیقدا شاهه گدایه دب دی
دنیا لاری جاهل اولان ایاخلار
عاقل آدام ایکی سینده قوجاخلار
#زینالعابدین_زارعی_انگورانی