اسدی طوفان کربلاده

اسدی طوفان کربلاده

باش باش اوستونده جداده

حق یولوندا انحرافدان
سیندی کورپو ایتدی جاده

باتدی گون اولموش قارانلیخ
کور و کر لر انزواده

اول کسیک باشلار هدایت
ایلیوب لر سوی باده

هم اسیران بو ملکت
ماجرانی گتدی داده

مقصده یتسین هدایت
چوخ گوزل بی رنگ ساده

آدلانیپ شام غریبان
ماهتابه نور زاده

بوسینیخ گوهر لری لن
سینه لر اولموش نواده

اللی ییردن گون چالیردی
مقتل آدلانمیش سماده

مقصده چاتمیش بیر عده
هم جفاده هم وفاده

وار گروهی دیگر اما
قالمیش آواره مناده

آرزوی ری ریاست
چاتمویوب دور اَل دعاده

پایه اسلام محکم
معجز اولدو کربلاده

مومن و کافر منافق
گورسه دیر حقلر اعاده

آینه تک شاهد اولموش
کربلا، آتلی پیاده

قور خورام اوز حالتیم نن
باقلانا پرونده باده

یوخ واریم امیدیم عنوان
بو نمازیم انجلاده

ظهر عاشورا شهیدی
بو سیاقدا شاهزاده

منزلی دیگر وورولدو
عشق اولوپ آتدان پیاده

زارعی قوربان کسیلدی
مقتلین پای انبیاده

#زینالعابدین_زارعی_انگورانی