بو گلستاندا ، اللر دعاده

بو گلستاندا ، اللر دعاده
گللر دوداغی ، شبنم صفاده

گوهر یاراتمیش چوخ دلبرانه
اسرار اولور فاش عاشق حیاده

غنچه آچیلمیش گلسون همیشه
کیم سانجلانسین کیم لر وفاده

یِر یورد سازالسین سبزه چالانسین
اولسون دیریلسین بلبل نواده

چه چه چالیردی بستان ثناده
چشمه چوخالمیش آخدی پیاده

گوللر اویانمیش گویچک رداده
فریاد ایدنلر ایچمیشدی باده

صبحون طلوعی سالمیشدی یاده
فرهاده بنزر تیشه صداده

صلوات یوللا چوخ مصطفایه
شادلیخ یارات دیخ آسان و ساده

قوربان کسیل دی هر دم بهاره
اوشسون اوره ک لر یرده سماده

خسرو و شیرین درد و دواده
لیلی دوقان دیر مجنون زاده

ال یار الینده سوز بی نهایت
خوشلوخ یارانمیش صاف اولدو جاده

بو دودماندا ایت گین اراده
داغلار باشیندا قار چاتدی داده

آسوده خاطر یاتدی گلستان
پرده چیکیلدی فصل شتاده

رد وور خزانه چاپدی جفایه
رسوا ایدیردی گلمیش جهاده

پوزقون سالیر دی سارساخلادیم من
وور صفحه چونسون آشسین معاده

سیز یار ایوینده یار سیزده قالسین
دائم خوش اولسون بیر حال هواده

دستمال ایچینده گوندردی زارع
اصل گلستان سن کیقباده

طوفان ایممز پیمان خانه
بعد از نماز وقت عشاده

#زینالعابدین_زارعی_انگورانی