مجنون دَلی اولدو کی تسلایه یئتیشسین
مجنون دَلی اولدو کی تسلایه یئتیشسین
هم نئشه لنیب هم ده کی لیلایه یئتیشسین
گزدی دولانیب هر یئری معشوق دالیجا
عشقی مثل اولموش کی بو دونیایه یئتیشسین
اصلی کرمی یاندیریب عشقین اوجاقیندا
وامیق دولانیب چؤللری عذرایه یئتیشسین
فرهاد قازارکن داغی هئی نئشه لنیردی
شیرین ده چوخالدیردی اودون جانه یئتیشسین
منصور تمام اولدو بو عشقین اَثریندن
اَل اوزدو، اؤزوندن کی او جانانه یئتیشسین