امام رضا (ع)
مدینه شهریندن ایرانا گلن
خراسان شوکتی امام رضا دیر
مامونون اَلیندن جامِ زهر ایچن
او جیگر دوغرانان امام رضادیر
خراسان شهرینده او گؤزل گونبز
ایمامت چیراغی هئچ زامان سؤنمز
تانری یولچولاری هئچ زامان اؤلمز
خراسان پارلاغی امام رضا دیر
اوزاق دان یاخین دان زائری واردیر
هر زامان بیزلره بیر پارلاق آی دیر
ایمامت بولاغی بیر جوشقون چای دیر
خراسان پارلاغی امام رضادیر
سینیق اورک لره بیر یاخشی اوجاق
یوغون یولچولاردان او توتار آیاق
ایمامت یولونا تانری دیر دایاق
خراسان پارلاغی امام رضا دیر
