قالب شعر: چهار پاره
سحر دان آچاندان کونول سیخیلیر
گئجه واخ کئچینجه داریخماندایام
زامان آیاق اوسته دورمور ییخیلیر
بیلمیرم اؤزومده یا هایاندایام
سن منی سئویرسن منده کی سنی
بو سئومک سئوگولوم بیزه گووه نیر
بو سن سن کی! بئیله سئویرم سنی
بو سن سن کی کونلوم سنه باش اَییر
تلس بیر قاییت گل آغیز آچیرام
یامان گونلریمده گل دیندیر منی
سووگولوم بو ایشده باشاراخلی سان
گل کئچن گونلر تک سئویندیر منی
✍: شاهید