مثنوی کربلا
کربلا بیر قانلی توپراقدیر بو گون
کیمده جورئت وار یازا او گؤردوگون
کربلا بیر قانلی توپراقدیر دئمک
اوردا آز ایش پارچالانماقدیر اورهک
کربلا بیر قانلی توپراقدیر عجب
اؤلدورور عاشیقلرین او تشنه لب
کربلا بیر قانلی توپراقدیر اسیر
اوردا ظالیم حاققی قوربانلیق کسیر
کربلا بیر قانلی توپراقدیر آغا
آی گونش قارشیندا دوشموش توپراغا
کربلا بیر قانلی توپراقدیر ندن
گون ایشق ساچدی گون اورتا نئیزهدن
کربلا بیر یئردی باتمیش مین قانا
جان وئرنلر اوردا دوشموش یان یانا
کربلایه بو بلا بسدیر اؤزو
تسخیرین گؤردو آیاقلاندی اوزو
بونجا بیر نیسگیل کی دونیانی کَسَر
بسدی بیلسن عاغلین اولسا مختصر
پارلاسان گون تک گر اولسان آفتاب
سن اودوزدون هر نجور ائدسن حساب
وئرمهدین موولایه عاشوراده جان
گؤرمهدین قالمیشدی یاردیمسیز قران
گؤرمهدین آللاه سئونلر سن مگر
قیمه قیمه دوغرانیب جان وئردیلر
اولمادی سندن اونا ایمداد و داد
فرشیدن تاپدین سن عرشه اوندان آد
✍: شاهید