احتماللارا
سن دئ نه قدری یالواریم آخیر خیاللارا
بلکه خیال منی آپارا بیخیاللارا
خیلقتده قایدادیر بو ازلدن یارانمیشا
یومسان گؤزون حرامه چاتارسان حلاللارا
عئشقین یولون اورهک تانییار عقل آنلاماز
باش وئرمه چوخدا عقل سالان قالماقاللارا
دوزدور قارانلیغی قارا خاللار یازیب منه
نئینیم اورهکده دیلخوشام او قاره خاللارا
عئشقین بوتون گؤزللیگی جان جان دئمکدهدیر
قوربان او جان دئمکلره قوربان او حاللارا
بیر گون گلرکی منده دویونجاق اؤلم سنه
گؤز تیکمیشم بئلنچی اولان احتماللارا
سن دالبادال اؤپوش ووراسان آغلایان گؤزه
من جان وئرم اؤپوش گؤتورن دالباداللارا
#شاهید