داریخیر سینمده کؤنلوم قاپونو دوواری سیندیر
بو سئحیرلی روزگاردان قفسی حیصاری سیندیر
لالا تک داش اورتاسیندان اله قانلی بایراق آل گل
دلیلیکلیگین سسین سال داغا، داغ باساری سیندیر
سحَره ترانه ماهنی اوخوماقلا ترجومانسان
یارالی دوداقلارین آچ آجی اینتظاری سیندیر
گئجهنین باشیندا یوخدور سنه تای گونش چیخاردا
نه اولار گونش اوزونله بو طیلیسمی باری سیندیر
اوخوماقدی تکجه وارلیق وارین اولسا اختیار وار
اوخو قورخما وارلیق ایچره یالان اختیاری سیندیر
سنه یاردیم هئچ طرفدن گلن اولمایان چاغیندا
سن اؤزوندن آیریلان چیخ چاراسیز فیشاری سیندیر
قاپا قاپ تالان تاتارلیق سالیب هر طرفده تاتار
شاخان ایلدیریم سایاق چاخ قاپا قاپ تاتاری سیندیر
✍: شاهید