من حسینم
من حسینم منی گوز یاشیده تعبیر المه
سید اهل بهشتم منی تحقیر المه
عزت و شوکتینن کرب و بلا اولدی عجین
ذلت و خفتینن سن بونی تصویر المه
نه خیال ایلمیشن یتمیش ایکی سرداری
بو خیالات و یالان سوزلری تحریر المه
مکتب عشق و فداکاری و ایثار دی بو
بو عظیم عشقی فقط گریه ده تفسیر المه
من ثاراللهه گر عاشق اولوبسان بونو بیل
هر گناه ایلمیشن عشقیله تطهیر المه
من کتاب هنر خلقت و مخلوقاتم
کربلا مکتبینی روضه ده زنجیر المه
منه ابراز المه حس ترحم ، عاشق
بو خطا فکریدی ، ایمانوی تکفیر المه
بشنو از نای زمان نعره گیرای مرا
اهل ظلمین منش روبهینی شیر المه
من حسینم نه قدر بو سوزی تکرار الییم
حری تک ظلم و ستم اهلینی تقدیر المه
هر زمان ظلمی گورن حامی مظلوم اول سن
ظلم پیکاریده بیر ثانیه تأخیر المه
روز چهارم محرم الحرام
۱۴۰۱/۵/۱۰
۴ بامداد سه شنبه