ای عزیزیم، یوخلاما، دۆنیا تیجارتخانه دیر
ای عزیزیم، یوخلاما، دۆنیا تیجارتخانه دیر
بو تیجارتخانه دا جنس اولماسا، ویرانه دیر
سعی اله داد و ستده، محکمه وجدانی قیل
دوز یولی اَیری گئدنلر دینینه بیگانه دیر
بوفنا دۆنیاده سن آلانما نفسین عشقینه
چوخلاری دوشدو بَلایه، فیکر ادیب افسانه دیر
هر ایشینده سن اگر ناظر او اللهی گؤرَن
هر بَلادان رفع ائدوب، چون خالق یکدانه دیر
بو تیجارتخاننین فرماندهی دۆنیادی بیل
چوخلاری قاچدی دوتا، غرق ائیلدی رودخانه دیر
بو بیش اون گون عؤمریده دوشمه شیاطین خطینه
کج گئدنلر گؤردولر دۆنیا بیر عیبرتخانه دیر
بو تیجارتخانیا عارضیم بودی: آلانما چوخ
مظلومه ظلم ائیلمه، فیکر ائیلمه زورخانه دیر
مظلومین حاقین ییییب کاخ مجلل سالما سن
او اوجا قصرین اوزو بیر سمتی گؤرستانه دیر
اوز اولان وقت مالیوی تقسیم ائله ورّاثه سن
ورثه هی دئمسین “مرحوم آتام دیوانه دیر”
قامّیان دؤولتلری باری اوزون نابود ائله
جنگی دۆنیادن قوتار، چون غملی ماتمخانه دیر
بو ریاستده نه واردی؟ چوخلاری سبقت دوتوب
بلوری چوخلو سیاست، آخری مکرانه دیر
ای فنا دۆنیا، نه قدر آغوشه چکدون شاهلاری
بعضیلر فیکر ائلییر دۆنیا کی دایم خانه دیر
خواب غفلتدن اویان، دۆنیایه چوخ اولما حریص
عاقبت فیکرین ائله، دۆنیاده مهمانخانه دیر
کیم گلیب دۆنیایه بیر گون، آخیری بیر گون گئدَر
قارداشیم، فیکر ایلمه، بو سؤزلریم افسانه دیر
اؤزگه مالین یوکلمه، سنگین ائتمه باریوی
کیم سبک گئدسه بو دۆنیادَن، اینان پروانه دیر
شعریمین بیر بندینی یازدیم گؤزل مسئوللارا
جان سیزون جان ملتین، ایران شرفتحانه دیر
سعی ائدک امر معاشدا، تنگنادا قالمایئگ
دۆشمنین فیکر اتمه سون، دؤولت بیزه بیگانه دیر
سعی ائدک دۆنیاده بیز، مولا علیدن درس آلاخ
بو یولی کیم دوز گئدیب، آخر شفاعتخانه دیر
بارالاها، دوز یولا ائله هیدایت بیزلری
سن قوتار غمدن خلیلی، بو جهان غمخانه دیر
سیز مزاریمده یازین: “دۆنیایه چوخ بِل باغلاما”
منزل آخر بودور، نمدی! زطوبت خانه دیر
خلیل مرادی