قالب شعر: غزل

گُل اولماسا عزیز گلستانی نیلیرم
سنسیز چمنده لا له وبستانی نیلیرم
سنن صفا تاپور بوگلستانیم ای گولوم
سن اولماسان بدنده اولان جانی نیلیرم
شکر ایلیرم بو درگه جانانه روز وشب
من بنده حقیر سنم خانی نیلیرم
خیر العمل که اولسا بهشته گدر بشر
صالح عمل که اولماسا رضوانی نیلیرم
هی ظلم و احتکار الییم قانلاری سورام
قربان گونونده مکه ده قر بانی نیلیرم
بو عصریده جهاندا که چوخ بی گناه اولور
فرمانروای ظالم دورانی نیلیرم
هر یرده حق اوله، ناحقیللر قا لا ر
بو غم سرای ظلمیده دیوانی نیلیرم
مظلومیلر جهاندا اوله ظا لمین قالا
بین المللده جمله نگهبانی نیلیرم
رحم و مروت اولماسا انسان آزار یولی
هر قلبده محبت اولماسا ایمانی نیلیرم
الله دیوبدی رحم الیین رحم ادیم سیزه
رحم اولمیان دیاریده مهمانی نیلیرم
دنیا منیم خزانه منیم سلطنت منیم
ویران سراده ملک سلیمانی نیلیرم
یا رب اوزون یتیر بوزمان صاحبی گله
بی بند وبار ملکده دنیانی نیلیرم
الله خلیلوم قاپووا گلموشم دخیل
من عاشق اولموشام سنه رضوانی نیلیرم
یا حجت این الحسن عجل  علی ظهورک