قالب شعر: ترکیب بند
گر محکم اولسا پایه ی ایمانی عاشقون
معشوقینون یولوندا چخار جانی عاشقون
باش وئرمویونجه باشی اوجالماز جهانیده
آخدوقجا حق شعاری یازار قانی عاشقون
بسترده ئولماق عاریدی آزاده عاشقه
قانلان گرک بها تاپا میدانی عاشقون
بیر حال تاپار که جلوه جاناندا محو اولار
گورمز او حالدا دای گوزی هئچ یانی عاشقون
عاشق بیلور بو نکته نی کیم ویرسه درد اونا
تنها اونون الینده دی درمانی عاشقون
چون معرفتله زندگی ائیلر غم ائیلمز
اولماز باشیندا فکر پریشانی عاشقون
سرداریمیز مراحل عرفانی تا گئدوب
اللهدا خلق ایچینده اونی محترم ائدوب
اول گورلّه واردی نقدری لیاقتی
آننان نصیب ائدله او شخصه شهادتی
بیر عمر یاحسین دئدی نوکرلیق ائیلدی
سرداره وئردی حضرت زهرا بو عزتی
گر عشق حاج قاسم اورکلرده یر تاپوب
قلبینده چون وارییدی علینون محبتی
آل اللهین حریمینه قویماز جفا اولا
غیرتلینون قبول ائلمز چونکه غیرتی
آدلاندی سیدالشهدای مقاومت
به به اوجاتدی پرچم سرخ ولایتی
الله یولوندا کیم ئوله جاوید و زنده دی
باتماز قانی شهیدلرین ایتمز او زحمتی
هریرده گلسه آدلاری سن احترام ائله
ال سینه ده دوروب شهدایه سلام ائله
الله بیر عده نی یارادار شهریار اولا
سردار جاودانه اولا نامدار اولا
چوخلار گلوب گئدوب بویوک اشخاصیلر قالوب
تاریخیده گرک بو آدی ماندگار اولا
فرزند ملت اولدی سرافراز و قهرمان
آری اوغول اودور آنایا افتخار اولا
سردار قانینه بویانوب وحدت ئولمسون
امنیت دیار علی برقرار اولا
بیزده گرک تلاش ائلویاق حاج قاسمون
بو مکتبی جهانی اولا انتشار اولا
سعی ائت مرادی شعریده گورست نبوغیوی
شاعر اودور که نابغه ی روزگار اولا
بیر گون اولار نماز ظهورین اقامه سی
تا آخرین نفس بو یولون وار ادامه سی
