آنا توپراغیم آی قوجا ایرانیم
اوجا زیروه تک سن یاشا ایرانیم
آدین گؤیلره قالخا هرگۆن سنین
علی مرتضی تک اوجا ایرانیم
ایگیدلر بؤیۆتدۆن قوجاغیندا سن
اولا یاردیمین آی آنا ایرانیم
هامی میللتین بیربه بیر صف چکیب
سنین دۆشمانین خوار اولا ایرانیم
سنین نیسگیلین میللتین نیسگیلی
بو نیسگیل یئتر تئز سونا ایرانیم
سنین بایراغین گؤیده پارلاق گۆنش
وئریر بیزلره خوش هاوا ایرانیم
گئچر بو آجی گۆنلرین تئز زامان
اولار خوش گۆنۆن آی آنا ایرانیم
زیروه: قله کوه- ایگید: پهلوان، دلیر
نیسگیل: غم، اندوه- سون: پایان- یاردیم: کمک
پارلاق: درخشان