محبتین باغنا باغبان اولان ننه دي
صفای روح دله آشیان اولان ننه دی
اگر چه اولسا باجینین عزیز قارداشی
اورکلرینده قالان جاودان اولان نندی
اورگده پاچالانیر تا گله اوغول قاپیدان
بالا یولوندا بلی چون کمان اولان ننه دی
دیر بالام منی آلسون اوزو دوشو اوسته
اولن زماندا گنه نیمه جان اولان نندی
همیشه فکری بودی اوغلی بختور اولسون
بالاسینین غمینه ناگران اولان ننه دی
روا دگول دوشه هرآن ننه آدی دلدن
اولونجه من دیرم مهربان اولان ننه دی
خلیل مرادی
