شاعر اودو جامعه شعرین یازا
سوزبلن اولسا قویمیا چوخ نازا
دعوت ایده جامعه نی وحدته
بیرعده نی قویما چوخ کج گده
تقسیم بیتالمالا دقت اولا
دونمیه لر بیرعده لر سا ق صولا
بولمیهلر اون یره یا بش یره
ملت ایران اوله لر هیچ یره
جامعه نی شعر یله نظمه چکه
ایری دوزی یاخشی یامانی سچه
تابیله مسئولاریمز آنّییا
بلکه بیرآز اوزلرینی داننییا
تز سمته اوزلرینی سالمیا
پول قوتارا اونا قدرت قالمیا
ویردی طلاق دنیایه مولا علی
اوغلی قیام اتدی دیدی یاعلی
پرچم دینی آتاجان ساخلارا م
حق دیرم کفاریدن قورخمارام
شاعر اودور عصره گوره سوز یازا
حق سوزونی قورخمیا تا دوز یازا
بیعت ایده تاکه حسین خطینی
سالمیا چوخلی خطره جدینی
سیز کی بودنیایه حریص اولموشوز
دیین گورک هاراسینا قونموشوز
سیزدن قاباخ چوخلار اونی آلوبلار
کام آلما میش اوز تختینن سالوبلار
آرتوق اولان غذایه رغبت وارون
یاکه یسن تز قاریشاجاق حالون
بسدی مثل چکمه گوزل قارداشیم
گرچه آلوب چوخلی یری مشد هاشم
فکر اله میر شاهدا کاخلار سالوبدی
ولیعهدی هالالاردا قالوبدی
مظلومین حقی اوجالیر گوگلره
ناله و نفرین توکو لور اویلره
نقش شریح اوینیری بیر عده لر
چوخلاری اوننان ییییری سکه لر
ملت ایران دیییری بیز لره
صورت اموال اولونا سیزلره
قرآنیده الله دیور بیز لره
رحم الین رحم ا لیییم سیز لره
ظلم اله سز ظلمه دوچار ایلرم
یقدقیزی تاریله مار ایلرم
زلزله هاردان گلیری یرلره
ظلم اولونور آه گدیری گوگلره
آیه قرآنه یوخون باورین
گورنه گو نه دوشد ی او قوم لعین
وقتی که با نگلار دونوری یرلره
وامی وریر استدیگی ائللره
اوزلرینه بیوک سفرا آچیلّار
پول گوتوروب خاریجیه قاچیلّار
هامی دونوب مسئله ی مسکنه
قیمتلری اشیدنده دیسکینه
بیر وام آلیپ اوزون سالوب بلایه
ورمیری یالواریری خدایه
بهره لری بانگ اولار دان آلیری
اوزلرینه فرعون کا خی سالیری
الله ها خا طر بیر نفر ایشلمیر
آغزین آچوب مفته چورک دیشلمیر
هر وزرا دوشد ی که اوز پستینا
یاخشی سمت ویردی گوزل دوستونا
تا که اولا سا یز لاری برقرار
آچیق قالا قاچما قا راه فرار
عقلی اولان فکر ایلر ایرانینه
بیربیرینی سالماز اونون جانینه
جوانلارکه بیکار الان قالوبلار
اوزلرینی هرگوشه سالوبلار
بیر بینوا پولی یوخدی اوخویا
کار خانه یوخ گدیب جوراب توخیا
بازنشسته بوکشوره ایشلیوب
جوان عمرون بوکشوره خشلیوب
سیزدن قابا ق بوکشوری گوروبلر
بعضی قالوب بعضی لری اولوبلر
مرادیم قلم اله آلمو شام
یتمیش ایلدی بو کشورده قالموشام
وطنیمدی بوردا ریشه سا لموشام
اللاها من سجده ده یالوارمیشام
نظمه چکوب بوسوزلری یازیرام
دشمن طر حین بو کشوردن قازیرام
حاشا یادیمنان چخا او صحنه لر
دفتر حزبه توکولن فتنه لر
اوردا او گون یتمیش ایکی قان اولوب
بهشتی لر فدای ایران اولوب
وحدت اولسا حق سوزلری دییروک
هر دشمنین قدین بیردن اگروک