شعر درمورد کرونا در زمان حسن روحانی انتقادی اجتماعی وگران کردن بنزین
بو کورنا هم وطن تز گلدی گتدی
لباس رختینی هم سردی گتدی
دوروستدی بیزدن آلدی چوخ عزیزان
محبت درسینی ویردی فراوان
دیدی اولماحریص دنیایه قارداش
که گورن بیر گونی هیچ یوخدی یولداش
سنی بنده سالار همده حصاره
قرنطینه قالار نازلی نگاره
دییر قال ایوده قوی حالین سازالسین
او یغموش ثروتین بلکه آزالسین
بوکورنا اورگدیب صفده دایانما
یوخون گلدی داداش یوخلا اویانما
بوصف لر باعث اولدی بانگ دولدی
اتوز ميليون پژو یوز ميليون اولدی
بوکورنا درس ورور املاکیانه
بیر آز جا رحم ادین ملک اولمیانه
دییر ای یرلری مفته آلانلار
یتیمین حقینه بر ج سالا نلار
بوکورنا درس عبرت وردی واللاه
دیر رحم ایلین رحم اتسون الله
بوکورنا فتح ادیب کل جهانی
آلوبدی کل شاهلاردان توانی
دیر ای اوزلرینن دم وارانلار
بومظلوم ملتین قانینین سورانلار
دیدی بیر درده سالام جان تاپاممن
بو کورنا دردینه درمان تاپاممن
خجالت سیز چکون اوز اشلروزدن
نجومی مخفیانه فیشلروزدن
بوکورنا ده عجب وارد ی وزارت
ها میا ایلری گونده نظارت
ایا ای حاکمان بو ولایت
بوکورنادن آلین درس عدالت
که بلکه اورگنز راه سخاوت
بوملتدن اید ون چوخلی حمایت
بوملتدی دوزوب قرخ ایل بلایه
تحمل ایلیوب هر ماجرایه
حسن پاتک وروب بحرانه سالدون
آدین تحریم قویوب زندانه سالدون
اوگونن بنزینی اتدون باها سن
تمام قیمتی اتدون رها سن
اوگونن کشوریم هیچ گولمیوبدی
سنی دلسوز دولت بیلمیوبدی
که بیر گون سیل بیزی اتدی احاطه
گلوبدی زلزله قاچدیق حیاته
خیاباندا جو انلار قانه باتدی
حسن جان بنزینی اوچ مینه ساتدی
حوادث چوخ اولوب چوخلی فراوان
دوشوب گوگدن یره طیاره اوکراین
که یتمیش بیر نفرده قانه باتدی
حسن جان بنزینی اوچ مینه ساتدی
پایان قسمت اول
