شعر بنام آِلادان دنیا
ای گوزل آللاما دنیانین زر زیباسینه
سعی اله سالما اوزون دنیاده غم در یاسینه
چوخ بزک ورمیش اوزونه آلادا غافللری
آزمایشدن چیخان لبیک دیوب مولاسینه
بوهمان دنیا دی سندیردی چوخی اصلان لاری
رستم اولدوردی اوزاوغلو ن باخمادی رعناسینه
بوهمان دنیادی آلاددی بوتون قارونلاری
حاتمه رحم اتمدی حتی یته موساسینه
بوهمان دنیادی غرق اتدی نوحین کشتی سین
خواب غفلتده یاتا نلار غرق اولوب دریاسینه
بوهمان دنیادی تاپدی چاهدن یوسف نجات
احتیاجه گلدیلر مصرین گوزل مولاسینه
بوهمان دنیا دی آلاددی شریح قاضینی
حب دنیایه گوره تسلیم اولوب سوداسینه
بوهمان دنیادی چوخ فرصت وریر ظالم لره
آه مظلوم ناله سی آتش ورار اعضاسینه
بوهمان دنیادی چوخلی ملتی دوتموش غرور
هی اوزونن دم وررو تکیه الیر الماسینه
هیچ دیمیر الله منه بو ثروتی هاردان وروب
احتکار ایلیر یغیر کالا نی هی ویلاسینه
تا سورا مظلوملارین قانین اولا سرمایه دار
بی خبر بیلمور اولر ائلر گللر یاسینه
کاش بوتاجر لره الگو اولیدی مهدوی
گون به گون مردم دیر صلوات اونو سیماسینه
قویدی آثارلار بو زنجاندا او مرد نیک رو
گون به گون هاردان ورردی زینت اؤز ویلا سینه
ای علیدن دم وران هاردان علی سالمیشدی کاخ
بی وفا امت ویروب شمشیر اوز مولا سینه
یاعلی سننن کمک ایستر حسین اوغلی خلیل
قبر ایونده نور مهرین یوللا سن عقبا سینه
خلبل مرادی
