قهر خدا فاطمه نین قهری دی
یرده سولاردا خانیمین مهری دی
گئتدی جفائیله ألیندن فدک
لیک اونا خاطیردی بوتون نه فلک
طی ائله دی عشق و وفا یوللارین
باغلی گوروب شیر خدا قوللارین
معجرینه آتدی ألین فاطمه
غائیلیه بلکه وئره خاتمه
وئرمه دی رخصت خانیما،بوتراب
قوخدی جهان یکسره اولسون،خراب
دولدی او دمده خانیمین گوزلری
خاطیرینه دوشدی آتا،سوزلری
ترک ائلیینده آتاسی،دونیانی
توصیه ائتمیشدی نئچه عنوانی
بیر بو کی امت سینه وی داغلییار
آللاه ألین خلق خدا،باغلییار
آتش کینه تاپاجاقدی دوام
وحی ائوینه اود ووراجاقدی عوام
مهبط جبریل اولاجاق قتلگاه
سبط نبی،سقط اولاجاق بی گناه
اوندا تحمل سیزه شایسته دی
رونق دین صبریزه وابسته دی!!
ناصرفوزی-ایام فاطمیه