قالب شعر: غزل

آختارماساگوز دلبردردانه دولانماز
نوراولماسا اطرافینه پروانه دولانماز
بیر دلبره بنداولدی اورک بندی که اونسوز
گلمزفلکین چرخیده جریانه دولانماز
سنبل تکی گیسوسی مجعد توخونوبدی
پیچ وخم زلفونده اونون شانه دولانماز
میخانه گوزو لعل لبی شهد طهورا
کیمدورکه دادین دادماقا مستانه دولانماز
گویلوم قوشی آختارماسا اول سرو وقاری
اولماز بیله بی صبر و غریبانه دولا نماز
پروانه دن اور گندی طواف ایتمگی روحیم
ورنه بیله جان ویرمگه جانانه
دولانماز
عشقین بیزی جمع ایله دی بو محفله جانا
محرملرین اجلاسیدی بیگانه دولانماز
ای محرم اسرار اوز اخدان نه باخیرسان
سنسیز بوسینان قلب که سامانه دولانماز
مینلر گوز آغارمیش غم هجرانیده تیز گل
یوسف نه سببدور ره کنعانه دولانماز
عشرتکده دیر محفل عشاق بلاجو
طالب میه گراولماسا پیمانه دولانماز
شعریم پرآچیروصف ایلیینده وجناتین
مست اولماسابلبل بوگلستانه دولانماز
درک ایتسه بشر حاکم مطلقده علیدور
بیرآیری مذاهبلره افسانه دولانماز
قرآندا علی دینیده ایماندا علیدور
کیم بیلسه ذلیلانه حقیرانه دولانماز
گربیلسه علی اوغلودو عالملره سرور
دشمنده اونون دورینه خصمانه دولانماز
عترت قاپسین باب شفا تاپدی عجملو
آیری قاپیدادردینه درمانه دولانماز