یاددان چیخاردی عشقیم، جانانه گلمهسیدی
یانیب کؤلؤ چیخاردی، پروانه اؤلمهسیدی
روزگار تکین اسردی، تئللری یئل الینده
بیردن قوپار قیامت، گر شانه چکمهسیدی
میخانه باغلاناردی، ساقی! اورک یاناردی
منع شراب ائدردی بیگانه بیلمهسیدی
زنجان آهولاریتک، گیزلین باخاردی هردن
جیران باخیشلی گؤزلر، دیوانه دؤنمهسیدی
گاوازنگ یئلی اسنده، آشوب ائدردی شهری
گیسولرین نظامی، شمعخانه سؤنمهسیدی
آشوبه چکسه شهری، روحوم قوشون ائدردیم
قاباغینا چیخاردیم، زندانه سورمهسیدی
«ائلیورد» محبت اهلی سالماز سنی اورکدن
سودان دورو حقیقت، افسانه سئومهسیدی