ای تورک پریچهره! مگر اهل زمین سن؟!
یا ساقی شیرازی کیمی مست مهین سن؟
رکنی سویوتَک گؤزلریَن قوربان اولوم من
زنجانَ گلن اوخچو کیمی غارتگر چین سن!
ائل یورددا اولان چادورا بنزردیرْ حیاوین
یوخ یوخ ائله بیل طالیعَ باخان سید سین سن!
برهم ووراران انجمن اهل یقینی
بیر باخسان اگر مجمعَ، جیران ثمین سن!
حصرینْ ده اولوب، حسرتیله راغب دیدار
ظولم ائتمه گؤزل گؤزلرینله، سن نه درین سن!
بیر بیر داغیلیر ریغبتلی اولان هامّی رقیبلر
سانکی سن او شورش ده اولان نقطه لی شین سن
«ائل یورد» ائله بیل دوشموشن نظردیندن!
سؤز یوخ! نه اولور! سن فردوس برین سن!
