قالب شعر: غزل

شعر آنـــا تقديم به همه ي مادران كه رنج می کشن و محبت می آفرینند.

چاره سيز خسته لرين ، دردینه درمان آنادي

دفتر عشق و وفا ، مشقينه پايان آنادي

سينه سي دشت بلا ، آتش بحراندا يانير

سارالان ياز گولي تك ، تشنه ي باران آنادي

هر بلا درده دوزر ، شرط محبتده اوزی

گر مصیبت داغ اولا ، صبريده طوفان آنادي

عشق پروانه سی تک ، شمعینین شعله سینه

يانديران بال و پرين ، عاشق عريان آنادي

آي دئسون اوخشاري وار ، اولدوزا چوخ بنزری وار

زر شناس اولسون اگر ، دُرّ بدخشان آنادي

اوكي هر شام و سحر ، سینه سی غمنن دولؤدی

سنه لاي لاي اوخويان ، بلبل نالان آنادي

شاهليقين شيوه سي وار ، مَسندي مين لشگري وار

تاج و تختسيز جاهانا ، سرور و سلطان آنادي

مني حيران ائلئییب ، دنيادا بؤ مسئله لر

نييه ائولاد اوتینا ، دنیاسی تالان آنادي

آناوين قدريني بيل زاهد اگر شاه اولاسان

چون اميبسن سوتيني ، چشمه ي احسان آنادي

شعر : زعفر نظرزاده زاهد

سال: ۱۳۹۱٫۱۰٫۲۴