آسلاما داردا منی قوی هله آزاد گزیم
منی مایوس المه بش گونی قوی شاد گزیم
بیلیرم حلقه ی زلفون منی داره چکه جک
باری سن رحم اله قوی دالدادا همزاد گزیم
روزگارین ایشیدی هر کسی بیر درده سالار
اولارام مثل اوکس، خانه سی بر باد گزیم
عبرت اوستونده گوزل هر کسه بیر ضربه دییر
منه سن ضربه نی وردین چیخمادی دادگزیم
سرنوشتیم بویوموش چارهای یوخ هر نه یازام
شیرین عشقنده گرک داغلاری فر هاد گزیم
عشقدن یازما خلیل عشق چتین مرحله دور
عشق الیندن چکیری چوخلاری فریاد گزیم
خلیل مرادی
22 اردیبهشت 1404
خلیل مرادی