اؤز ایستهییمله آپاردی بو کؤنلو یار مندن
آپارسین ایستهدی گؤز یاشی هرنه وار مندن
قیامتین گونو گر وئرسه اختیار تانریم
بئهشتی ایستهمهرم من سیزینکی، یار مندن
منیم گونوم قارالیقدا تئلیندن اوستوندور
سئویردین اوستهلیک اولسون نه روزگار مندن
بوتونجه عومورومو من اینتیظاردا قورتاردیم
سنین واریندی نه اندازه اینتیظار مندن
اودوزمازیدیم اورهک♥️ ایختیاریم اولسایدی
آپارمیشایدی او تک خالی⚫ ایختیار مندن
قاطار قاطار غزل اوسته قالاندی داغلاریمیز
نه یاخشیدیر قالا داغلار قاطار قاطار مندن
سوووشدو منله یارین هر نه اورتاسیندایدی
قالارجی تک بو غزللردی گل آپار مندن
✍: شاهید