قالب شعر: {قالب شعر:35}
فغان اول مه لقادن ، جان آپاردی
آغیل ، باشدان چکیب ، آسان آپاردی
قـــراری ، تابیمی ناز عشوه سیله
آلیب منن دئدون ، جانان آپاردی
گوز اوسته غمزه لر ، هر بیر باخیشلا
اوره ک ، پیمانه سیننن ، قان آپاردی
نگارین ذلفی تک ، روحیم پریشان
اولؤب ، مننن بؤتؤن سامان آپاردی
محبت خانه سین ، ویرانه قالسؤن
وئریب دردین منه ، درمان آپاردی
منی هجران غمی ، گؤل تک سارالدیب
ائدیب گلزاریمی ، ویران آپاردی
فلک اشکار ائدیب ،جور و جفاسین
صداقت ، دوستلیقین ، پنهان آپاردی
وفا سیز دنیادان زاهد نه یازسین
وفا اهلین ، جفا داران آپاردی
زعفر نظرزاده زاهد
سال : ۱۳۹۴٫۱۰٫۲۴