قالب شعر: غزل

آجی حسرت یئری بوم بوش قالا سئودیکلریمه
یئنی سئوگیم دلی سرخوش قالا سئودیکلریمه

تام قفسلرده کی بیر قوش کیمی صاف ساده لیغا
قفس ایچره قانادیم بوش قالا سئودیکلریمه

اوردا سئودالیغمین باختینا دوشموشسه دوگون
قورخورام بیر سویوق آغوش قالا سئودیکلریمه

دلی لیلی لرین آنجاق اورینده یارالار
دلی مجنونلارا سوز قوش قالا سئودیکلریمه

بو تیکانلیق دیالوگلاردا کئچن بعلی الو
گوزی حسرت آخی بس نوش قالا سئودیکلریمه

سئوگیلر شعرینه باخدیقجا ایناندیم بو سوزه
آجی حسرت یئری بوم بوش قالا سئودیکلریمه
آزاد_فانی