گوز ایشده دیک جه داغی آشجاغین هامار گله جک
مقدس عشقیمیزه ، موتلولار نه وار گله جک
آغیر گونومدی بوگون ، باغری قان یانیق گئجه مه
اولارمی سویله سن ، ذوالجناح سوار گله جک ؟؟؟
اینانمادیم هله ده داغ باشی ، دومان دی بئله
اینانما گول وطنه ، مجمه مجمه زار گله جک
دییرله شاققالانار کعبه نین دیواری بوگون
یقین دی آیدین ائله گوزلری خومار گله جک
بولوتلانان گویه ده ، لاپ یاخین چیچک یاغاجاق
یاشیل لانان کونوله ، دورنا گوزلی یار گله جک
گوزوم دولور قارا گونلر ، چیچک له نیر باخیشا
گلین لی ائللره خونچا ، ده بوللی نار گله جک
اوزون یول اوسته دوروب ، آرزیلار قوجاق دولوسو
سازاق قیشی قیناما ، دوز بیر آز باهار گله جک !!!
یانیرسا سون باهارا ، ان گوزل اویار غزلیم
منه اومود وره جک !!! باغری قان چیبار گله جک
دییرله آی باتانین ، گولله سی اوپئر سینه وی
ددیم داریخما اونا بو یاخین مزار گله جک