گئجهلر گوندوزه تای آغلامیشام ائل بویونا
هئچ بیلیردین کی بوییل دوشمهمیشم سیل تورونا؟
ایل بویو سوسوز قالیب سیزلامیشام آخ دده وای!
هئچ گلیر گؤر گؤله یار، هم چیمه همده سؤیونا؟
نئچه ایللردی کی من سوسوز قالیب آغلامیشام
هئچ بیلردین کی گلر بیرگؤن اؤ گوللر سولونا؟
دویمامیش بیردفعهلیک مندن اوجور آیری قالیب
هئچ دیردین سبلان گئتمه سهندین تویونا؟
اوجا بوی قارداشیم هاردان گلهجک بیرده سسیم!
هئچ سن اعلان ائلهدین تبریزه، زنجان یولونا
کیم گلیبدیر کی گؤره من نجور جان وریرم!
هم کی ساغدان کسیلیبدیر سو منه هم سولونا!
ائتمه ایفا منه ائلیورد کی خاطیرلیر شعرین
ائلبروز داغلارین همده آرازین آخار سویونا