فرهنگی، هنری و ادبی

امروز : 25 بهمن 1403

پایگاه خبری شاعر

پنجره دالېندان / حسین منزوی

پنجره دالېندان


عقل دیيير:« اۆز قۏيما عشقه سارې!»
امّا عشقين چکير منی آپارې
عقلنن عشق آراسېندا قالار کن
بو گئت، گئتمه لر، جانېمې قوتارې
عقلی آتېم يا عشقی ساتېم؟ نئينيم؟
اؤزۆن منه بير يۏل قۏی، سنی تارې!
سنسيز نئجه قرار تايېم، صبر ائديم؟
دی بس نئديم؟ آی صبريمين قراری!
آی شعريمين تۆکنميه ن الهامی!
آی عُمرؤمۆن سارالمېيان باهارې!
مين کوثرون گؤزلرينه وئرمه رم
سنين گؤزلريندن ايچن خومارې
اۆره ڲيمين بندی! ساوالان قندی!
لاپ ارېييب اۆره ڲيم سندن سارې

پنجره نين ايشېقېنې گؤرنکن
باش گؤزۆمده اولدوز کيمی ايشاری
سۏيوق کسير، تلس، تئز آچ قاپېنې
يۏخسا دۏنار گؤز ياشېمېن آخارې
آچ قاپېنې، پنجره نی چالمېشام
آی باغلانمېش قاپېلارېن آچارې!
آی منيم عؤمرؤمؤن تک آغاجېندا،
خزاندا گۆل آچمېش باهارلې بارې!
سنه نه دیييم دای؟ آی قارا ايلده
باغچامېن آق آلماسې، قېرمېز تارې!


1370ين ديآيي- كرج