قالب شعر: ترکیب بند
تقدیم به مولا مهدی (عج)
دیورم گل سنه قربانم اوزوم
بلورن یولدا قالوبدور کی گوزوم
اینتظاررون چکوری غم زده لر
هره بیرگوشَده آغلور گجه لر
نوروباران اولاجاق چوخ کوچه لر
دیوروک گلسه آقام گور نجه لر
دیورم گل سنه قربانم اوزوم
بلورن یولدا قالوبدور کی گوزوم
آقانی درده دوشنلر چاقیریر
ظلمدن ظلمه دوشنلر چاقیریر
شربت شهدی ایچنلر چاقیریر
اوزونه خلعت بیچنلر چاقیریر
دیورم گل سنه قربانم اوزوم
بلورن یولدا قالوبدور کی گوزوم
آقاجان ناظر اوزونسن عمله
راضی اولما بو محبّت کَمَله
کفریدور شُبهه سالیر مسئلمه
گورورَم بنزیری جنگ جَمَله
دیورم گل سنه قربانم اوزوم
بلورن یولدا قالوبدور کی گوزوم
آقاجان غم نجه حدّن آشیری
صبر پیمانه دولوبدی داشیری
ظالمین قلبلره دریرماشیری
چوخی بیت المالی گونده قاشیری
دیورم گل سنه قربانم اوزوم
بلورن یولدا قالوبدور کی گوزوم
ضالمین حقّی آقا عرشه چاتور
تومنی، یوز تومنه خلقه ساتور
چوخی خیر و شری قلبینده قاتور
گور نجه مست، لواساندا یاتور
دیورم گل سنه قربانم اوزوم
بلورن یولدا قالوبدور کی گوزوم
گوروری حقلری نا حق ایدنی
گوروری جبهده خدمت ایدنی
گوروری قرخ ایلی دوز ایشلیَنی
گورو ی مفته چورک دیشلیَنی
دیورم گل سنه قربانم اوزوم
بلورن یولدا قالوبدور کی گوزوم
دیوروک حقی آلان تز گلَجک
باشلارا سایه قالان تز گلجک
دوشمن کفر و یالان تز گلجک
ظالمی درده سالان تز گلجک
دیورم گل سنه قربانم اوزوم
بلورن یولدا قالوبدور کی گوزوم
آقاما نامه اورکدن یازیرام
گر غلط اولسا سوزوم تز آزیرام
شعرینن نهر محبت قازیرام
سنین عشقنن اولم من حاضیرام
دیورم گل سنه قربانم اوزوم
بلورن یولدا قالوبدور کی گوزوم
یازمورام سوزلری بیهوده قالا
غملی حالیم دولانور یاخشی حالا
یازیرام مهدی موعود آلا
آلا تا سوزلریمه سایه سالا
دیورم گل سنه قربانم اوزوم
بلورن یولدا قالوبدور کی گوزوم
شاعرین گوزلری غمدن دولاجاق
اینتظارینده خلیلین سولاجاق
یازیرام دفتره سوزلر قالاجاق
بلورم مظلومین حقین آلا جا ق
دیورم گل سنه قربانم اوزوم
بلورن یولدا قالوبدور کی گوزوم
