بو نه بایرامدی نه شنلیکدی نه یازدی سنسیز
گوزلریمدن قان آخیر سانکی آرازدی سنسیز
توتالیم باغچادا گوللر چیچکین آچمادادیر
گول منیم دردیمه درمان ائده آزدی سنسیز
قورخومویدو سنیله ایش چکه دیوانهلیگه
عئشق دیوانهلیگی آلنیما یازدی سنسیز
سن مدار ایچره تارازسان سنه فیرلانمالییق
یئر گؤی البتده کی سئوگیم ناتارازدی سنسیز
تئللرین هر یانا چؤندرسهده سونبول آنجاق
دارتیلیب پیشسهده کوت تک تاتاوازدی سنسیز
باخما باغریندا بوتون عالمه ناز ائیلهییرم
هر قهدر ناز ائلهسم جومله نیازدی سنسیز
یازدیغیم دارما داغین قوشمادا یاز گونلری تک
شاهیدیم هر نه چالیشسامدا دایازدی سنسیز
✍: شاهید