گلمیرسن…
سن گئدندن اوره ییم اوددا یانیر گلمیرسن؟
و گوُزومدن گئجه لر غم جالانیر گلمیرسن؟
آغریلار سانجی چکیر منده دوغور مین دردی
هارداسان دای اوره ییم پارچالانیر گلمیرسن؟
گئجه یارسی اوره ییم کوُرپه اوشاق تک،بیردن
آزی یوز یول یوخولاردان اویانیر گلمیرسن؟
خاطیره بوخچاسی چیگنینده گزیر بیر شاعیر
بو شهَردن کوسولو ، تک دولانیر گلمیرسن؟
دردین اوستدن دوزورم دال با دالا من دردی
جانیما داغ بویو غملر قالانیر گلمیرسن؟
دئدیلر کی سنی سئومیر،باشیما گوی اوچدو
اوره ییم هر نه دئییرلر اینانیر گلمیرسن؟
دای گوُزوم یاشلاری آخماقدا کول اولدو عوُمروم
یاشاییش گونلری سنسیز تالانیر گلمیرسن؟
