قالب شعر: چهار پاره
قبریوین اوستونه قویدوقوم داشی
اورگین سرتینده اوزوم یونموشام
اوجا داغ اولمادین آلچاق کونلومه
یوواسیز کونلووه یالان قونموشام
چیینیمده داشیدیم اورک گوینه یین
ذهنینده گئزنده انتحار سسی
سن چوخدان اولموشدون! خبرین وارمی
نئچه ایل قاباقدان توتولوب یاسی
اورک میدانیندا،هیکلو یوندوم
امضاسیز سئوگیوی سینه مه یازدیم
سن یورغون باخیشلا ایتیردین منی
من سنی ، سئوماقدا یولومنان آزدیم
نئیله مک ! جهنم قاپیسین آچدین
دئمک کی الله دا منه سانری میش
سن منی ووراندا داشلاردان داشا
دئمک کی سن سیز ده حیات واریمیش
سن منه یاشانتی سئو صحنه سینده
بیر کیپریک آراسی دایانمادین هئچ !
بو اونم دییل دی جان شیره سیندن
ایرین لی قان اولدوم دادانمادین هئچ
نئی سه!
قبریوین اوستونه گلمیشم ایندی
کیشیلر آغلاماز اوزون بیلیرسن
آمما حیف ، بیر داملا گوز یاشیم قالیب
اونودا آل منن گئدیم دییرسن
ناصر
ناصر ناصرناصرناصر ناصر