ديديلر گليرسه باهاردا گله ر
بولودلارآرديجا گوزياشي چيله ر
داغلارا چن دوشر.باغچالار گوله ر
گلدي گوزلرينده كدر گتيردي
هره يه بير ايچيم زه هر گتيردي
قاچيشديق يولوندا سره ك گول چيچك
سؤغاتين آچماغا چنته سين سؤكك
بويونو اوخشاياق اليندن اوپك
گلدي .اللرينده بير قوخموش سؤغان
آجيسي.اينسي سي دونياني بوغان
ديديلر گئتيرير.هه ريه بيرپاي
بيرالينده اولدوز بير الينده آي
اوبايايلدي بئله بير هاي هاي
اللرين سيخميشدي اولدوز بوغماغا
سانجيسي.دوتموشدو.نيسگيل دوغماغا
اؤباهار بير دامجي ياغيش ياغمادي
كيمسه نه محبت سودون ساغمادي
دوداقلار گولمه دي .داماق چاغمادي
اؤگوندن.اؤ.ايله ديارباديار
اديني قويدولار.بير آجي باهار
2
ساچلار قارالير حسن جمالين ايا بنزير
يانقاقلارينين قيرميزي سي المايا بنزير
هئجرینده اوقدر آغلاميشام من گئجه گوندوز
گوزياشلاريم اخديقحا اوزومدن چايا بنزير
گوزيولدا قولاق سسده قاليبدير گنه سن سيز
رنگيم سولوب آخرسارالان ارپايا بنزير
روحوم قوشو صحراي غمينده گئجه گوندوز
تك ايريليب آواره گزن دورنايا بنزير
سين سيتمه مني تاب وتوانيم قوتاريبدي
زينگيلتي سسيم داي بوغولان هاي هايا بنزير
بايرامدا يتيشدي گنه ده عينيم آچيلمير
نه قيش قيشا.نه يازيازا.نه ياي يايابنزير
3
دار آغاجی …
دار آغاجی !
بوو آلاتورانلیقدا
بیر قیرپیملیق قولاق وئر منه
دار آغاجی !
هئی، هئی
بیزیم دونیامیز
اؤته‌سیز بیر دونیا
اویوتمازلی،
دهشتلی بیر دونیا
بیزیم دونیامیزین
گوندوزلری، گئجه‌یه ساریلمیش
و قاپ-قارالیق جیزگیسینه یوکسه رک
و گئجه‌لری، یئیین‌سیزلیک‌لره دؤنموش
زامان بورادا یئریندن ترپنمه‌ییر
و کؤلگه‌سیزله‌ییر خیلی کؤلگه‌میز
باخان گؤزلریمیز باخیلماز اولور
و یاشام تپه‌لری آشیلماز
دار آغاجی !
آه دار آغاجی
بیر دونوق شفقدن باخیرام
دونیامیز گونشین خسته خاناسی
و “من اونون عینادجیل سس سیزلییی یم”
و دیریلیگیم اونون اؤلوم خَره‌يينده
و پنجره‌مین قاپالی قاپاق‌لاری
سوسقونلوغا آچیلیر
سایخینليغا دؤنورم
سونسوزلوغا
آه دار آغاجی !
دونیا منه دوستاقلانمادا
من دونیایا آغیر گلیرم
باریت قوخوسو گلیر آدام‌لاردان
قاپی‌لاردان قاپالی لیق
گونئیلی پنجره‌لر قوزئی‌لره ساری آچیلیر
قوزئی‌لری شورابیل کیمی باکیر
بوردان آجیخمش بوداق‌لارین ایییسی گلیر
و آدام‌لار
چیچک‌لرین دیلینی بیلمه ییر
منی باغرینا باس دار آغاجی
روحوم دارتیلمادا
قورخورام
و قورخو قانیمی داماریمدا دوندورور
دار آغاجی !
هئی، دار آغاجی
منی راپور وئر سایاقلارینا
سنی گئيمک ایسته‌ییرم …
4
