قالب شعر: غزل

آختارور

هرکس جهاندا سودگی جانانین  آختا رور

بازار عشق گرمیدی  اوز یارین  آختارور

هرکس خریده  چیخو ب  بیر متاعچون

کالای باب دل گزیری  بارین  آختا رور

هی شمعیلن گزیری عاشق حزین

یانماق  خیالی وار اودا اوز  نارین آختارور

عاشق جهاندا دوزر  رنج و محنته

تا مدعاسینه یته دل دارین  آختارور

یوندا ن علاوه بلبل خوش خواندور گزیر

اوز دردینی دیه گلزارین  آختارور

فرهاد تیشه سی الده قازیر داغی

کوی نگاره گتمگیچون  آهین آختارور

مجنون دا چولری  آواره تک گزیر

لیلی اونون غمونده  یاتوب خوابین آختارور

منصور ی چکدلر  دارا بیر حقین اوستو نه

هر کس که حق سوزون دیه اوز دارین آختارور

سنده خلیل منتظر اول منتظر گله

چوخلار سنون کیمی اوز یارین آختارور

خلیل مرادی