نورتک هر قلبده شمع فروزاندی حسین
محضر خلاقده بیر عالی انساندی حسین
درس عبرت ورموشن دنیاده سن انسانلارا
مکتبینن درس آلانلار دینه قرباندی حسین.
کعبه دن چیخدوی حسین حرمت اولونسون کعبه یه
قان توکولمز کعبه ده بودرس انساندی حسین
انقلاب اتدون حسین ظلمین بناسین سیندیران
مظلو ما اتمک کمک بودرس قرآندی حسین
خانمانندان ال اوزدون تا قالا دین سر فراز.
پرچم حریتون گون تک نمایاندی حسین
کوفه اهلی چوخ سنه نامه یازوب مهمان اولان
عهد وپیمان سیندیران اوردا فراواندی حسین
گلمیوب گلمز یوزی بو شهر تا واردور جهان.
مسلمی دامدان آتان بو قوم سفیاندور حسین
کربلایه گلموشن درس شهامت ورمگه
..یتمش ایکی لشکرون مطیع فرماندی حسین
اولین میدانه گوندردین دلاور اوغلووی .
چون شبیه مصطفادور مرد میداندی حسین
عازم میدان اولوب شاگرد سقای حرم
شوقیله لیلا دیور روحیمدی بو جاندی حسین
الغرز گلدی شب دهم وصال اولدی تمام
یتمیش ایکی جان بکف چوت شمع سوزاندی حسین
مشکی سالدی چینینه سقا گدیر سو آلماقا
چون بلوردی سوت امر اوچ گوندی عطشاندی حسین
دولدوروب مشکی سودان چخدی اوسقای حرم
اول کمینده اوخ آتانلار قوم فرقاندی حسین
نهرالغمنن چخوب یول سالدی اخیامه طرف
لبره سو ویرمادی سقای طفلاندی حسین
سعی ایدیر مشکی یتورسون خیمیه چوخ شوقیله
چون رباب اصغر دن اوتری چوخلی گریاندی حسین
قولاری اولدی قلم سو گورمدی اهل حرم
تاقیامت نهضتون دنیایه اعلاندی حسین
باش وروبس دین یولوندا باشلار اولدی سرفراز
قوزانان اللر بیلون سقا یه قرباندی حسین
چوخ قیا مت ایله دون یتمش ایکی سرباز یله
اللر اوسته اصغرون خورشید تاباندی حسین
تشنه دوشدون مقتله عشقون سنون کامل اولا
باشوی تشنه کسنلر قوم عدواندی حسین
بیر طر فدن شمر ایلیر هی هل هله باشین کسه
بیر طر فده زینبین ال باشدا گریاندی حسین
شمر ورور خنجر با شا زینب ورور ال خنجره
خنجر آتدا زینبین بارماقی دوقراندی حسین
قان وضو اتدون نماز عشقوه قربان اولوم
چون ره عشاقده یزدانه مهماندی حسین
آستانیده حسین منده خلیل اولدوم سنه
روز محشرده یتیش داده اماندی یاحسین
شعر عاشورانی یازدیم من دخیل اولدوم سنه
..سن آنان زهرا جانی غملر فراواندی حسین
