یارب ایتیرمیشم نئچه آیدیر حال زاریمی
آلما الیمیزدن منیم او نازلی نیگاریمی
چوخ گؤرمه بیزه بو ائلین گول‌عذارینی
حسرتله باخماگینان! آپاریبدیر قراریمی
یوخسول بختی یاتان کیمی یاتمیشدی بختیمیز
آچدی چیچکلره‌تک، گؤرمه‌دن قره‌گؤزلو یاریمی
تئزلیکله باغلادیق اورک، سؤز ورمه‌دن سورا
سن بیلمرن! نجور آلیبدیر الدن اختیاریمی 🙂
عهد ائیلدیک اؤلونجه وفاسیزلیق ایله‌میک
چوخ چکمیشن ایمتحانه منیم اعتباریمی!
بیزده وفالی موحبتلی سئوگیلر دولانیر
سیز بیلمریز نجه‌دیر لذتی وقاریمی
«ائل یورد» بودور سئوگینین موعاهیده‌سی
بیرگون سالار دیللره سئوینج منیم مزاریمی …
