قالب شعر: ترکیب بند
عزیز قارداش توتون چخار پاجادان
بلبل اوخور سسی گلیر اوجادان
متین سو زی خبر آل سن قوجادان
اولار تانیر آلچاق اوجا یاخشینی
اولار تا نیر شکارچینی داقچینی
عزیز قارداش دنیا بیزی آلاتدی
بیر ال چالیب بریسینی اوینادی
رستملری یومروق آتدا اسلاتدی
هیچ بیلمدی داش بوناهاردان دیدی
اوجا قدین فلک بیر گونده اگدی
عزیز قارداش دنیاده تز آغلاما
ظلم ایلمه بیرده کینه باغلاما
آزاد اول سن حق سوزوی ساخلاما
تا گور نجه فلک حقین آلوبدی
چوخ شاهلاری اوز تختینن سالوبدی
عزیز قارداش من دیمورم آغلوما
آغلاگیلان دلده غصه ساخلاما
مواظب اول حد ن آرتو خ یوخلا ما
یوخلیانی تز کمنده سالالار
دانشانین حقین الدن آلارلا ر
عزیز اوغلوم بوسوز مندن یادگا ر
باش اوستنده ناظردی پروردگار
اولمیاسان هچ موقع سن داغدار
مواظب اول دنیا سنی آلماسین
چوخ او جالدیب بیردن یره سالما سین
اوجالما قین حتمآ منه یقیندی
یخلماقین اوغلوم منه چتیندی
