سوزومین اولی الله سنی من یاد ایلدیم
کرمون یاده سالوب گویلومی من شاد ایلدیم
روز محشرده امیدیم سندی یا الله.
خیریله شرده امیدیم سندی یا الله
من یازندا بوسوزی اشک دولوب گوزلریمه
باریدن اولدی توجه بو یازان سوزلریمه
من تاپاننان اوزومی هر آن حسین سسلمیشم
آقامون پاک آدینی دلده نگین بسلمیشم
وارامیدیم که آقام باشیمین اوسته گلجک
یاحسین سسللمیشم اجر ینی اوردا ورجک
قورخ اوگونن ورثه قبره قویوب ترک ایدجک
ورثه اهل عیال فورن اوینه گدجک
قوراجاق مجلس ختم اوردان اوزون قورتاراجاق
گر عمل اولسادرست قبریده راحت یاتاجاق
فکریوی ایله خلیل سندن قوری آد قالاجاق
ملک الموت گلوب جانوی بیردن آلاجاق..
اولمیا بیردن اوزون جاه و جلاله سالاسان
مال دنیایه گوره آخرتین مفت ساتاسان
