بعد زی هم هر کجا دیدی مونهِ سیلم نکن
جونه خوت محضِ خدا دیدی مونهِ سیلم نکن
جونه خوت محضِ خدا دیدی مونهِ سیلم نکن
تا نسوزم خاطراتت خهکلونم تا کنه
ار یه روزی بی صدا دیدی مونهِ سیلم نکن
نونسی کی هاشقت بی سرته دادی ری هوا
خهسه بیدُم بی هوا دیدی مونهِ سیلم نکن
هر چه کردُم تا بدونی بی تو نیبو زندگی
آخرش گشتی جدا دیدی مونهِ سیلم نکن
درد بی درمون تو دادی تا بسوزم روز و شو
ار که محتاجِ دوا دیدی مونهِ سیلم نکن
سرگشته
……….. ……. …….
تشه دیری بگرهِ درد و مرض داره فقط
سهمم از خنده ی او زهره و آزاره فقط
هر چه کردُم که کمی مِن دله او جا بکنم
جز مو بُی هر کس و ناکس بخدا یاره فقط
در دولهِ بخدا بهسه وُ نونم وَ کجا ری بکنم
هر کجا سِی بکنُم بی در و دیواره فقط
سهم مردُم یه گُلِسون پُره گلبرگ و گُله
سهمُم از عشقه رسیدن چه بگُم خاره فقط
عهد و پیمون دَ نبندین که وفا وَش نکنین
تا نگُم چی وَ دلم جز که دَ بیماره فقط
سرگشته
شاعر سهراب عرب زاده.سرگشته.
بخش غزل | پایگاه خبری شاعر
منبع: شعر نو