دوزدور آچیبدیر عالمه گؤز آدم عئشقیدن
بیلمم ندندی خاطیری اولمور جم عئشقیدن
تای سیز اولان اولای سان علی(ع)، عالم ایچرهسن
پایلاندی جووهرین هم اؤزوندن هم عئشقیدن
سندن تاپیب دوشونجه دَیَر عئشقین ایلگیسی
تاپسا دَیَرله باش اوجالیق عالم عئشقیدن
اوچ گون کی باسدی باغرینا کعبه دوغوم گونون
بیر لحظهسین سئوردی تاپا مریم عئشقیدن
وارلیق اؤز ارزیشین وام آلیر کعبهدن بوتون
البت او اعتباری تاپیب زمزم عئشقیدن
آچسایدی گوللهنردی ولایت غدیر گونو
بو توحفهنی سئویردی اؤزو خاتم عئشقیدن
مین مین بالیقلار آچدی غدیر چئشمهسینده گؤز
عئشقین سالیبدی توپراقینا بیر نَم عئشقیدن
اسلام اوجالدی شاءنی شرفلندی دینلره
اوندانکی تاپدی گوجلو بیلک پرچم عئشقیدن
من اختیاری جبرین الیندن قاچیرمادیم
توربت علیدن اولدو ازل گون دَم عئشقیدن
✍: شاهید