قالب شعر: مسمط

تاسِ ماس
***
وَ قَهسِش دِیارِه مَلوس ایزنه
یَه تیپی وَ شِکل عروس ایزنه
وَ خویش وَ قوم وَ دُوس ایزنه
وَ پنج تیر برنو وَ روس ایزنه
وَ هَس وَ گوشت وَ پُوس ایزنه

* وَ شیش وَ چار وَ کُوس ایزنه
___
وَ صبح وَ عصر وا غروب ایزنه
وَ شرق وَ غرب تا جنوب ایزنه
وَ دار وَ بَرد ترکه چوب ایزنه
وَ راس وَ چپ بَه چه خوب ایزنه
شب و روز دائم بِکوب ایزنه
* و شیش و چار و کوس ایزنه
__
وَ ضربی کِه جُمنا وَکُشت ایزنه
وَ سیلی وَ پَلمُچ وَ مُشت ایزنه
چه کوکی به روی درشت ایزنه
نَدونُم چِشِه سِیچِه لُشت ایزنه
وَپیش اَر نَوابی و پُشت ایزنه
* و شیش و چار و کوس ایزنه
__
یواش نِی وَ کارش وَ زَهر ایزنه
و دوسی و دیری و قهر ایزنه
و روستا گرُخته و شهر ایزنه
و باشلُغ گذشتم و مَهر ایزنه
نه صلح و نه جنگه چه طَهر ایزنه
* و شیش و چار و کوس ایزنه
__
وَخَو رَهتَه بیدم مُو چِی تاسِ ماس
دِرو کرده بی یه دِرو بَهزَه راس
مو هر چی کِه خَردم وَ دَس آشناس
یه سیزَن بِزَه راحتم کن خلاص
وَ تیغ وَ چاقو وَ تیشه وَ داس
* و شیش و چار و کوس ایزنه
___
و دونگ وَهگِرُهته وَ سوس ایزنه
و چُو وَرکناده و روس ایزنه
و پاکت نَویسا کِروس ایزنه
وَ چشم وَ ابرو وَ لُوس ایزنه
ردیف کِرده مُهره ملوس ایزنه
* و شیش و چار و کوس ایزنه
••
•حاجی اکبری•