داریخما
ای یوسقول بيچاره بودورانه داریخما
سن فکر المه چوخ بیله جولانه داریخما
ارباب گوزلیم گلدی وطنده بازار آچدی
رعیت دوشو ری جبریله خسرانه داریخما
اولارکه شهید ره عشق وطن اولدی
فکری بویودی تز یته جانانه داریخما
بیرعده آچیق سفره نی گوردی بیله قاچدی
تز بومبالیا لقمه نی مردانه داریخما
دولت بیله ایش گورمدی ملت یاتا راحت
دولتدی ییور ویلادا صبحانه داریخما
مسکن آدی مهر اولدی محبت اله گلسون
چوخلار آلا بیلمز بیله کاشانه داریخما
سوزلر دانیشیر مجری سیما گجه گوندوز
بی شک دانشور بیزلره افسا نه داریخما
حاکیم ده گرک فکر ثبات وطن اتسین
تا ملتی چوخ دوشمیه خسرانه داریخما
اولار که یییور ملتین حقین بو وطنده
کاخی اولاجاخ بیر گونی ویرانه داریخما
تبلیغ رسانه بیزی الدن اله سالدی
سودین آپارور هر گو نی بیگانه داریخما
حرفیله عمل بیربیرینی تاپپیری قارداش
هرکس یول آچوب بر ره شیطانه داریخما
بیت‌المالا هر کس الیه ذره خیانت
ملت دوزه بیلمز بله سلطانه داریخما
مظلوملارین حقی اولوری برج هواده
سن تاپشور اونی حقیله وجدانه داریخما
گوز هریره سالدیم گدیری برج هوایه
وردیله جواب سن بیله اورگانه داریخما
اولّارکه ساتولّار دولاری هاردان آلو لار
ضرب‌المثل اولدی منه .عنوانه داریخما
هرکس اورگینن چخادا یاد خدانی
ظلم ایلیه جک ملت ایرانه داریخما
شاعر که یازیر سوزلری واللاه گوروبدی
یازماز بو یالان دفترو دیوانه داریخما
چوخلار اورگین سوزلرینی هیچ دیه بیلمور
ثبت ایلیوری سینیه سوزانه داریخما
بر گون گله جک مهدی موعود بو عصره
اوندا دونجک دنیا گلستانه داریخما
خلیل مرادی
